١- نص المسافة ونص المدة اللي حضرتك ممكن تاخدها بين وصلتين الدائري منيب وامبابة.. يعني بين شمال وجنوب الجيزة في نص المدة يعني لو ساعة في وقت الذروة تبقا نص ساعة أوتبقا ربع ساعة لو في الوقت العادي.
٢- طلعة محور ٢٦ يوليو من ميدان لبنان خلاص معدناش نلجأ لها لو رايحين زايد او طالعين ساحل علشان الطلعة الأقرب بقت قصاد فرغلي في شارع جامعة الدول العربية نفسه وانت جاي من المهندسين او الدقي او كوبري اكتوبر والبطل احمد. (توفير عظيم لوقت الانتظار اللي كان بيحصل في شهاب وشارع لبنان قبل طلعة المحور القديم بتاع ٢٦ يوليو).
٣- وانت جاي على دائري المنيب (من المعادي قطامية تجمع) وعايز تنزل المهندسين والدقي خلاص معدناش نضطر ننزل نزلة البحر الاعظم ونمشيه كله هو وشارع النيل في العجوزة علشان نوصل الدقي والمهندسين لأن بقا في وصلة جديدة تاخدك من عالدائري هي محور الفريق كمال عامر من جنوبه واللي هي بعد نزلة البحر الأعظم في الService road مفيش 300 متر علشان تاخد محور الفريق عامر مباشرة بدون تقاطعات وتنزل شارع جامعة الدول او ميدان لبنان او بعد كده محور تحيا مصر اللي بيربطك بشرق القاهرة كله..
٤- والعكس صحيح طبعاً وانت جاي من وسط البلد او دقي مهندسين مش هتعاني علشان توصل لدائري المنيب معادي تجمع لأنك هترجع من نفس الإتجاه
